Policia e qytetit të Veronës ka arrestuar shqiptarin 37 vjeçar Artur Petushi me akuzën e trafikut ndërkombëtar të lëndës narkotike.
Në një garazh në përdorim të tij u gjetën 28 kg marijuanë, 1 kg kokainë, 47 telefona celularë, 25 mijë euro, 6 automjete të përdorura për transportimin e drogës, si dhe materiale për konfeksionimin e dozimin e lëndës narkotike.
Prej më se një vit shqiptari rezident në komunën Villafranka në provincën e Veronës, vëzhgohej nga agjentët e Policisë së Veronës si një person i lidhur me trafikun ndërkombëtar të drogës.
Shqiptari 37 vjeçar Artur Petushi konsiderohet nga policia italiane si një nga trafikantët më të mëdhenj të drogës që veprojnë në zonën e Veriut të Italisë, me lidhje me organizatat kriminale ndërkombëtare.
Dhe pse shumë herë të tjera është hetuar nga policia italiane, Astrit Petushi ka mundur gjithmonë t’i shpëtoj urdhrit të arrestimit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
