Foto Ilustruese
Seksioni i Narkotikëve, në Drejtorinë e Policisë Tiranë arrestoi dje në flagrancë shtetasin Irdi Zhegu, 36 vjeç, banues në Tiranë, administrator i një kazinoje në rrugën “Sami Drashri”, sepse ka kryer veprën penale të “Përshtatje të ambienteve për përdorim droge”, “Organizimit të lotarive të pa lejuara” dhe “Vënia në dispozicion e lokalit për lojëra të pa lejuara”, parashikuara nga nenet 285/a, 197 dhe 198 të Kodit Penal.
Të njëjta burime saktësojnë se filloi procedimi penal në gjendje të lirë për shtetasin A. Q., 28 vjeç, banues në Tiranë, sepse ka krye veprën penale të “Organizimit të lotarive të pa lejuara” dhe “Vënia në dispozicion e lokalit për lojëra të pa lejuara” të parashikuara nga nenet 197 dhe 198 të Kodit Penal. Pasi në këtë kazino në rrugën “Sami Frashëri”, në një dhome në katin e dyte janë gjendur tre pjata porcelani ngjyre të bardhë, dy letra bixhozi njëra e kuqe dhe tjetra e zezë si dhe një sasi (mbetje) pluhuri ngjyrë e bardhë e derdhur mbi komodinë e cila u mblodh në një letër të bardhë, me peshë 1 gram.
Në cilësinë e provës materiale u sekuestruan: Sasia prej 1 gram lëndë e dyshuar narkotike e llojit “Kokainë”. Tre pjata porcelani me mbetje lëndë të dyshuar “Kokainë”, së bashku me dy letra bixhozi dhe 8 (tetë) kompjutera. Materialet i kaluan Prokurorisë së Rrethit Gjyqësor Tiranë
