Një oficer Policie, ka denoncuar lidhjet me krimin të qeverisë, sipas tij me krimin. Denoncimin e bën publik ish-kryeministri Sali Berisha, i cili publikon mesazhin denoncues të oficerit të policisë.
Mesazhi i Sali Berishës në “Facebook”
Oficeri denoncon lidhjet e qeverise me krimin!
Ne drejtorinë e policisë së Tiranes ligjin e bën Emiliano Shullazi!
“Të dashur miq, burime shumë të sigurta me njoftojnë raste konkrete që faktojnë se
– në drejtorinë e policisë së Tiranës ligjin dhe vendimet i merr vet Emiliano Shullazi ndofta edhe më shumë se sa Sajmir Shullazi
– Përveç kësaj, Shullazi ka të emëruar njerëzit e tij në poste kyçe në këtë drejtori. Për hollësi më të mëdha lexoni letrën që më dërgon një burim i brendshëm i kësaj drejtorie, i cili nuk pajtohet dot me drejtimin e saj nga krimineli Emiliano Shullazi!
Duke e falënderuar me shumë mirënjohje punonjësin e ndershëm të policisë së shtetit, ju ftoj të lexoni letrën e tij.
‘Përshëndetje zoti Berisha,me këtë letër ju uroj shëndet dhe dëshiroj t’ju informojë se para 5-6 ditëve punonjës të Patrullave të Përgjithshme (Shqiponjat), kanë ndaluar një mjet ‘Mercedes’ me targe 777, pasi personi që ishte në mjet ka kundërshtuar kontrollin duke u justifikuar se ishte nipi i Emiljano Shullazit. Për këtë arsye mjeti bashkë me gjithë personin është shoqëruar në Drejtorinë e Policisë Qarkut Tiranë. Pas gati 30 min në drejtori ka ardhur vetë Shullazi I cili pasi ka komunikuar me drejtuesit e drejtorisë ka marrë mjetin dhe personin e ndaluar dhe ka dalë jashtë. Gjithashtu janë marrë masa që filmimet nga kamerat e sigurisë si jashtë dhe brenda ambienteve të Drejtorisë të fshihen ose manipulohen për të fshehur këtë rast…
Në këtë informacion më mungojnë nuk po ve orare, data dhe disa elemente ekstra sepse nuk doja të diktohesha, me respekt
Tiranë 18. 09. 2015’”.
