Fondi Shqiptaro-Amerikan i Zhvillimit, do të jetë financuesi i rindërtimit të sheshit “Pazari i Ri” i Tiranës, si edhe i ndërtimit të tregut të ri të fruta-perimeve në të njëjtin vend.
Për këtë projekt, ky fond ka vënë në dispozicion 184 450 000 lekë (të reja).
Në funksion të kësaj, ky fond bënë të ditur se, “për të implementuar komponentët e këtij projekti, ftohen kompani të kualifikuara të ndërtimit që do të përmbushin kriteret e listuara në dokumentet e tenderit për të garuar”.
Detajet e plota të projektit dhe dokumentet e tenderit, të nevojshme për të plotësuar një ofertë të përgjegjshme, janë të publikuara në website-in e fondit; http://www.aadf.org, në seksionin e prokurimit.
Afati për pjesëmarrje në tender është 21 shtator 2015.
Sikurse shihet, bashkia e Tiranës është shmangur nga projekti i rehabilitimit të “Pazarit të Ri”.
Për Fondin Shqiptaro-Amerikan të Zhvillimit, ky angazhim është pjesë e pasurimit të sipërmarrjes së tij në programet e trashëgimisë kulturore me një projekt të ri transformues, duke ndërhyrë në zonën e quajtur “Pazari i Ri i Tiranës”, me një qasje të integruar zhvillimi që trajton infrastrukturën dhe fushën e menaxhimit .
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
