Rreth 2 mijë emigrantë kanë çarë gardhin me tela me gjemba të ngritur nga policia dhe kanë hyrë nga Greqia në Maqedoni. Sërish policia maqedonase ka përdorur plumba gome dhe gaz lotsjellës për të ndaluar futjen e emigrantëve në shtetin maqedonas.
E gjithë situata nisi kur policët lejuan që në territorin e tyre të futeshin disa gra me fëmijë, kur në një moment, një turmë me refugjatë u përplas me murin policor dhe hynë në Maqedoni. Mediat raportojnë se për shkak të përplasjes me policët, disa emigrantë janë plagosur, kryesisht gra dhe fëmijë
Situata në Maqedoni është tejet e tensionuar dhe ka akuza ndaj shtetit maqedonas për përdorim të dhunës, megjithëse zyrtarë të lartë të Ministrisë së Jashtme kanë mohuar të gjitha akuzat për përdorim të dhunës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
