SHPËRTHIMI TE “DON BOSKO”/ Lista e 22 të plagosurve, 3 pronarë dhe 1 kalimtar në gjendje kritike për jetën

Arrin në 22 numri i të plagosurve nga shpërthimi i bombolës së gazit sot te “Don Bosko”.
Mësohet 6 prej tyre iu nënshtruan ndërhyrjeve kirurgjikale, pasi gjendja e tyre paraqitet më e rëndë, si pasojë e djegieve që kanë marrë. Ndërkohë raportohet se prej të plagosurve, tre pronarët e lokalit dhe një kalimtar i rastit ndodhen në gjendje kritike për jetën.
Mjeku i shërbimit të Urgjencës në spitalin e Traumës në kryeqytet në një prononcim për mediat deklaroi se janë 22 personat e paraqitur pranë këtij spitali për ndihmë shëndetësore. Sipas mjekut 6 persona kanë marrë plagë të rënda, ndërsa në gjendje më kritike ndodhet një 45-vjeçar.
“22 raste u paraqitën në Urgjencë me plagë e fraktura, 6 ishin në gjendje më të rëndë, i kemi transferuar në disa reparte. 2 persona ndodhen në repartin e Ortopedisë, 5 persona ndodhen në repartin e Plastikës, 1 person ndodhet në repartin e Kirurgjisë”, tha Dritan Cela.
Po sipas tij, asnjë prej personave nuk ka nevojë për një ndihmë më të specializuar jashtë vendit, pasi i gjithë stafi është në gatishmëri.
Mësohet se drejt QSUT-së, në repartin e Djegies janë transportuar të gjithë të plagosurit që më herët u shtruan në spitalin e Traumës.

Të plagosurit

Pronarët  e lokalit
1 – Abdulla Dervishi (në gjendje të rëndë)
2 – Paqësie Dervishi (në gjendje të rëndë)
3 – Jorida Dervishi, në emrin e së cilës ishte lokali (në gjendje të rëndë)

Kalimtarët
1 – Klaudjo Marashi 18 vjeç
2 – Enrik Hima 27 vjeç
3 – Sabri Baruni 60 vjeç
4 – Dhori Qirjo
5 – Mateo Zoto 30 vjeç
6 – Xheladbie Kulla 67 vjeç
7 – Alfred Shani 67 vjeç
8 – Fadil Tuzi
9 – Edvin Liko 30 vjeç
10 – Kujtim Cani 50 vjeç (në gjendje të rëndë)
11 – Xhemile Shani 60 vjeç
12 – Edlira Shima 20 vjeç
13 – Evgjeni Bregu 48 vjeç
14 – Kristi Koreci 20 vjeç
15 – Krenar Bega 38 vjeç
16 – Olsi Beqiri 30 vjeç
17 – Endrit marku 27 vjeç
18 – Nebile Muhedini 67 vjeç
19 – Mexhide Selimllari

/DRONI.al/