Policia italiane e qytetit të Barletës arreston dy shqiptarë me akuzën e vrasjes së mbetur në tentativë ndaj kryekëshilltarit të Partisë Demokratike të komunës së Barletës Pasquale Ventura.
Me urdhër të Prokurorisë së Tranit e të prokurores Maria Grazia Caserta janë arrestuar shqiptarët Artan Belliu 53 vjeç, Igli Kamberi 29 vjeç, Conceta Dimatteo di Barleta 40 vjeç, ish-gruaja e kryekëshilltarit të PD në qytetin e Barletës, Giacomo Lanotte 32 vjeç e Francesco Sibilano 28 vjeç.
Tentativa e vrasjes daton më 20 janar të 2015, kur ndaj kryekëshilltarit të grupit të Partisë Demokratike në komunën e Barletës, Pasquale Ventura u qëllua disa herë me pistoletë me qëllim eliminimin e tij.
Hetimet e Prokurorisë së Tranit sollën sot në zbardhjen e plotë të ngjarjeve. Ish-gruaja e Venturës, Concetta Dimatteo di Barletta ka paguar 20-30 mijë euro ndërmjetësin shqiptar Artan Belliu 53 vjeç për eliminimin e ish-bashkëshortit të saj nga i cili ishte ndarë pak kohë më parë me konflikte të forta ekonomike e sentimentale.
Sipas hetimeve të Prokurorisë, shqiptari Belliu për kryerjen e këtij krimi ka kontaktuar me shqiptarin 29-vjeçar Igli Kamberi e italianët Giacomo Lanotte e Francesco Sibilano.
Natën e kryerjes së krimit të mbetur në tentativë, shqiptari Igli Kamberi drejtonte motorin nga i cili italiani Giacomo Lanotte qëlloi disa herë me pistoletë ndaj kryekëshilltarit të PD-së Pasquale Ventura.
Prania e paparashikuar e djalit të vogël të Venturës në vendngjarje ka shkaktuar hezitimin e shënjestrës së vrasësve, duke i shpëtuar jetën.
Në identifikimin e autorëve Prokuroria italiane është ndihmuar nga filmimet e telekamerave të zonës pranë vendngjarjes.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
