Atentati me minë për të cilin u arrestua dhe u la dje në burg Julian Shorja, ishte porositur nga një shtetas që e akuzonte emigrantin Sh. O., për lidhje intime me gruan e tij. Sipas hetimeve të policisë, porositësi ka dashur të ekzekutojë në këtë rast “të dashurin e gruas”.
Herën e parë, emigranti shqiptar shpëtoi në verën e 2014-s, pasi bomba e vendosur poshtë makinës së tij nuk shpërtheu. Edhe në atë rast mendohet se bomba është përgatitur nga i arrestuari Juljan Shorja. Aktivizimi i lëndës plasëse dështoi pasi diçka nuk shkoi mirë me mekanizmin e bombës. Porositësi i vrasjes së vjetshme tentoi ta vinte në jetë planin e tij këtë vit, duke i kërkuar një bombë të dytë shtetasit Juljan Shorja. Ky, Juliani, ndërkohë i mbetur në borxh në vitin 2014, pasi bomba e përgatitur asokohe nuk shpërtheu, përgatiti një atentat të dytë. Por edhe kësaj radhe, emigranti që planifikohej të vritej shpëtoi pasi policia kontrolloi banesën e shtetasit Juljan Shorja, duke arritur të parandalojë ngjarjen.
Sipas dyshimeve, lënda plasëse duhej të përgatitej dhe të vendosej nga i dyshuari Juljan Shorja dhe për këtë veprim ai do të paguhej në shumën 10 mijë euro.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
