Prokuroria zbardh skenarin e vrasjes me porosi, Julian Shorja do të merrtë 10 mijë euro

Detaje të reja  zbulon Prokuroria e Tiranës mbi atentatin e paramenduar ndaj emigrantit që do të ekzekutohej me minë të telekomanduar.
Sipas prokurorisë, personi që do të ekzekutohej dushohet të ketë pasur lidhje me gruan e personit që porositi minën, i identifikuar me iniciale Sh.O. Ky i fundit, sipas hetimeve paraprake të Prokurorisë, do t’i jepte verën e vitit të shkuar 1000 euro Julian Shorjas për të siguruar nja sasi lënde plasëse dhe donatorë elektrikë. Por plani dështoi sepse eksplozivi nuk plasi.
Por, ky plani nuk përfundoi me aq, pasi porositësi do t’i drejtohej sërsih Shorjas në maj të këtij viti, por mesazhin ia dërgoi përmes një korrieri, i cili do të takohej me Julianin në Kombinat.  Për shkak se Shorja nuk e kishte kryer detyrën, ai ishte në borxh me porositësin, ndaj duhej të përgatiste sërish eksplozivin dhe ta vendoste në makinën e emigrantit. Për punën që do të bënte, Juliani do të paguhej më shumë se herën e parë, 10 mijë euro.
Por, plani për të vrarë emigrantin dështoi pasi Julian Shorja bashkë me të fejuarën e tij u arrestuan në flagrancë.
Në seancën gjyqësore me dyer të mbyllura ku u caktua masa “arrest me burg”, Shorja mori përsipër fajin duke ia hequr përgjegjësinë të fejuarës së tij.