Arqipeshkevi i Shkodrës Imzot Angelo Masafra ka dalë kundër vendimit të qeverisë për bllokimin e lejeve të ndërtimit. Gjatë ceremonisë për legalizimin e katër kishave nga Drejtori i ALUIZNI-t Artan Lame, Masafra tha se kjo është jo e drejtë.
Kishin pritur gjatë për të marrë në dorë lejet e legalizimit. Por megjithatë jo të kënaqur.
Arqipeshkevi i Shkodrës kishte një tjetër merak. Vendimi i qeverisë për bllokimin e ndërtimeve për Imzot Angelo Masafren ëshë i padrejtë.
Gjashtë lejet e para të legalizimit të objekteve fetare u dhanë në Shkodër. Drejtori i ALUIZNI-t Artan Lame fillimisht dorëzoi 4 lejet për Kishën Katolike dhe më pas në takimin me Myftininë dy lejet e legalizimit për xhamitë e Shtojit të Ri dhe të Mjedës. Vetëm në qarkun e Shkodrës janë 60 dosje të dorëzuara për legalizim të objekteve të kultit. Megjithatë dy klerikët Massafra dhe Muhamed Sytari i thanë Lames se “nuk është vonë kurrë”.
Kisha Katolike në Shkodër kundër vendimit të qeverisë për bllokimin e ndërtimeve, Massafra: Është padrejtësi
