Drejtoria e Policisë së Lezhës, ka bërë të ditur se është arrestuar një shtetas i kërkuar për vrasjen e trefishtë të Thumanës.
Sipas burimeve zyrtare të kësaj police, mësohet se sot, në Lezhë nga Sektori për Krimet Rënda, pranë Drejtorisë Policisë së Qarkut Lezhë, u bë e mundur kapja e shtetasit të shumë kërkuar, Pëllumb Kora, vjeç 26, banues në Thumanë, Krujë.
Ndalimi i këtij shtetasi u bë pasi, Gjykata e Rrethit Gjyqësor Krujë, ka vendosur caktimin si masë sigurimi “Arrest me burg” në mungesë, për veprën penale “Vrasje në rrethana të tjera cilësuese” dhe “Mbajtje pa leje të armëve municioneve luftarake”, neni 79/dh dhe 278/5 te Kodit Penal, lidhur me ngjarjen e ndodhur në Thuman ku janë vrarë tre shtetas me datë 05. 06. 2015.
Ngjarje e rëndë ndodhi në orët e vona të mesnatës së 5 qershorit, në fshatin Thumanë të Krujës, ku 4 anëtarëve të një familje iu është bërë atentat me armë zjarri nga persona ende të paidentifikuar.
Anëtarëve të familjes u është bërë atentat pranë banesës së tyre, ndërsa kanë humbur jetën babë e bir, nipi i tyre, ndërsa është plagosur edhe një grua.
Sipas policisë humbën jetën Fran Ceku 70 vjeç, Arben Ceku 46 vjeç, babë e bir, si dhe nipi i tyre Enea Rama 18 vjeç. E plagosur ka mbetur Luçie Ceku 65 vjeç, bashkëshortja e Franit.
Policia identifikon autorët e vrasjes së tre pjesëtarëve të familjes Çeku në Thumanë. Sipas policisë lokale, mësohet se autorë e dyshuar janë vëllezërit Kora, Pëllumb Besnik dhe Daniel dhe babai i tyre, Guri Kora. Ndërsa të dyshuarit e tjerë për këtë ngjarje ishin arrestuar, i fundit, Pëllumb kora, u prangos sot.
Viktimat
Fran Çeku – 79 vjeç, i vrarë
Arben Çeku – 44 vjeç, i vrarë
Enea Rama – 20 vjeç, i vrarë
Luçe Çeku – 66 vjeçe, e plagosur
Autorët e dyshuar
Pëllumb Kora
Besnik Kora
Daniel Kora
Guri Kora
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
