TURP MEDIATIK/ Si e bëri xhiron Shqipëri – Kosovë – Shqipëri lajmi për Osama Bin Laden në Shqipëri

Keqardhje mund të quhet e gjithë zhurmnaja mediatike e gjithë ditës së sotme për lajmin e Osam Bin Ladenit në Shqipëri. Zanafilla e këtij lajmi të sotëm ishte nga Shqipëria.

Pikërisht ka qenë gazeta “Sot”, që botohet në Tiranë e cila e para publikoi këtë lajm. Dhe menjëherë pas hedhjes nga ana e saj e këtij lajmi në versionin on-line, saktësisht në orën 08.32, e rimorën pothuajse të gjitha mediat e tjera on-line, kryesisht kosovare.
Dy tabelat e mëposhtme, (Tabela 1 dhe Tabela 2), janë skanime të një portali on-line që ka vetinë “të thithë” lajmet nga web-site e tjerë, në momentin e transmetimit të tyre.
Nga këto dy tabela (Tabela 1 dhe Tabela 2), shihet se si ora, tregon radhën e “kopjimit” të këtij lajmi, me zanafillën nga gazeta “Sot”.
Këto tabela tregojnë njëherazi se si fillimisht kanë qenë mediat kosovare e maqedonase dhe më pas edhe mediat shqiptare, on-line, sigurisht.

Tabela 1
Me rimarrjen e lajmit nga mediat shqiptare fillon që edhe keqardhja të bëhet më për të ardhur keq, kur mediat shqiptare nuk i referohen gazetës “Sot”, por i referohen medieve kosovare, (kryesisht gazetës Telegrafi, e cila siç shihet e ka transmetuar këtë lajm në orën 09.37, më se një orë më pas nga gazeta “Sot”) për të njëjtin lajm që mediat kosovare i referoheshin gazetës “Sot”.

Tabela 2
Pas kësaj nuk ngelet për të thënë më shumë se sa nga  fraza e njohur, “Jepini Cezarit atë që i takon Cezarit”… Njihini meritën e publikimit për herë të parë të këtij lajmi gazetës “Sot”, pavarësisht saktësisë dhe besueshmërisë së tij, dhe pastaj merruni edhe me vitin 1994, në se erdhi në këtë vit Bin Ladeni në Shqipëri, apo në se në vitin 1995 erdhi delegacioni arab në Shqipëri…, me pak fjalë lojëra fjalësh, për të bërë të besueshme atë që as vetë nuk e besojnë nga gazeta “Sot” dhe e shesin si lajm të medieve kosovare.

/DRONI.al/