Një ngjarje makabre ka ndodhur në Durrës, ku dy minorene kanë guxuar të helmojnë prindërit dhe motrën e madhe si dhe t’i vënë zjarrin shtëpisë e më pas janë zhdukur bashkë me milionat.
Dy minorenet nga familja Kajtazi, 14-vjeçarja K.Kajtazi dhe dhe 17-vjeçarja Orialda Kajtazi kanë helmuar babain Hiqmet Kajtazin, nënën Anila Kajtazin dhe motrën 20-vjeçare Alketa Kajtazin. Familjarët janë dërguar në Spitalin Rajonal të Tiranës për shkak të helmimit, ndërsa vajzat i kanë vënë zjarrin shtëpisë dhe më pas janë larguar me paratë që vodhën në shtëpi. Ato kanë marrë me vete 400 000 lekë të reja dhe 800 euro, katër telefona celularë, pasaportat dhe kartat e identitetit të Alketës dhe Orialdës dhe sendet personale. Menjëherë pasi është kthyer nga spitali dhe ka parë shtëpinë e djegur, babai i dy të miturave ka shkuar në Komisariatin e Policisë së Durrësit për të raportuar rreth ngjarjes.
Nga hetimet e kryera rezulton se vajzat i kanë vënë zjarrin banesës dhe më pas janë larguar. Më datë 16 korrik 2015 është bërë edhe shpallja në kërkim e dy vajzave për veprat penale “Shkatërrimi i pronës me zjarr” dhe “Vjedhja” në bashkëpunim. Ngjarja ka ndodhur në datën 15 korrik ndërsa vajzat rezultojnë akoma të zhdukura.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
