Itali, arrestohen 3 shqiptarë mes tyre një femër, lëviznin të armatosur në Romë

Policia e Romës ka arrestuar në lagjen “Giardinetti” 3 shqiptarë, 2 meshkuj e një femër ndërsa udhëtonin në një automjet të tipit “Daewoo Kalos”.
Gjatë kontrollit iu gjetën 2 pistoleta, një prej të cilave gjysmë automatike e tipit Walther kalibër 9, e tjetra e markës Beretta kalibër 7.65 e mbushur me plumba.
Makina me të cilën udhëtonin rezulton e paregjistruar.
Prania e policisë italiane në rrugët e lagjes “Giardinetti” ka detyruar shqiptarët të kryejnë një manovër shpejtësie që shkaktoi dyshimin e forcave të rendit, të cilët u vunë menjëherë në ndjekje të tyre.
Tre shqiptarët u përpoqën të zhduknin armët, duke i hedhur nga dritarja e makinës.
Policia italiane u bllokoi rrugën e me pas duke realizuar arrestimin e tyre.
Dy pistoletat janë vënë nën ekzaminim nga specialistët e rendit, ndërsa po vazhdojnë hetimet mbi qëllimin e armëmbajtjes së tre shqiptarëve të arrestuar.