Jo vetëm për shkak të fundjavës, por edhe sepse sot është data 1 gusht dhe pushuesit dynden rreth plazheve, ka bërë që drejtuesit e automjeteve të përballen me trafik të rënduar në disa akse rrugore. situata paraqitet kritike në unazën e qytetit të Fierit, ku për më shumë se dy orë është bllokuar trafiku. Shkak është bërë fluksi i pushuesve, të cilët renden drejt jugut të vendit për pushime.
Sot kanë hyrë nga porti i Vlorës 1300 pasagjerë dhe 250 mjete. Ndërkohë, trafiku paraqitet i rënduar nga zona e Skelës tek Uji i Ftohtë, ndërsa forcat policore po monitorojnë fluksin e lëvizjeve në ketë aks.
Sakaq, drejtuesit e mjeteve janë shprehur se në këtë zonë nuk ka asnjë efektiv policie për të mbikëqyrur situatën. Ndërkohë, problematike paraqitet situata dhe në aksin rrugor Laç-Lezhë-Shëngjin.
Duke u gjendur përballë kësaj situate, policia ka përforcuar shërbimet dujke vendosur kështu 12 patrulla për të normalizuar qarkullimin e mjeteve. Probleme janë shfaqur dhe në portin e Vlorës, ku ka pasur fluks të madh pasagjerësh.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
