Gjykata e Beratit caktoi masën e sigurisë “arrest me burg” për postierin Klodian Xhaferraj. Bazuar në hetimeve e kryera nga Prokuroria e Beratit, dyshohet se postieri ka përvetësuar pensionet e muajit qershor të rreth 50 pensionistëve.
Pas kallëzimit të filialit të Postës Shqiptare Berat, prokuroria nisi hetimet, nga ku rezultoi se në funksion të pozicionit si postier, Klodian Xhaferraj nuk ka dërguar tek pensionistët shumën prej 500 mijë të reja të muajit qershor.
I pyetur nga prokuroria, i dyshuari pranoi tërheqjen e parave të datës 18-19 qershor 2015, por në lidhje me mosshpërndarjen e tyre, ai ka nxjerrë justifikime të ndryshme , të pabesueshme për prokurorinë.
Në kushte të tilla, ndaj tij prokuroria kërkoi masën e sigurisë “arrest me burg”, si person i dyshuar për veprën penale “vjedhje duke shpërdoruar detyrën”, kërkesë e cila u pranua nga gjykata e Beratit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
