Autoritetet policore në Merseyside, po shqetësohen gjithnjë e më shumë për vendndodhjen e një 24-vjeçare shqiptare dhe vajzës së saj 5-muajshe. Anisa Lamaj dhe e bija, Medine nga Everton, janë me origjinë nga Shqipëria.
Sipas autoriteteve, ato janë parë së fundmi vetëm në fund të muajit qershor.
Por ato ishin raportuar të humbura të enjten e 7 Korrikut, pasi nuk dolën në një takim që kishin lënë, nuk dihet me kë. Mediat e huaja nuk bëjnë me dije detaje se kush e ka raportuar humbjen e tyre, teksa nuk dihet as identiteti i bashkëshortit të saj
Foshnja besohet të jetë në shoqërinë e të ëmës, dhe policia dyshon se ato mund të jenë jashtë zonës së Merseyside.
Anisa është përshkruar si një femër e bardhë, me flokë të gjatë ngjyrë kafe dhe sy me të njëjtën ngjyrë. 24-vjeçarja thuhet se flet edhe anglisht edhe shqip.
Sakaq, policia e Merseyside ka publikuar raportin e humbjes se shqiptares ne faqen e saj ne Twitter, e cila përdoret në kohë kritike, dhe ndihmon të “ndajmë informacione me vlerë”, thuhet ne faqen zyrtare.
Merseyside është një qark metropolitan në Veri-Perëndim të Anglisë.
Sakaq, Policia ka vene ne dispozicion edhe numra telefoni për ata që kanë parë Anisën dhe e dinë vendndodhjen e saj.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
