Kina ka thyer të gjitha parashikimet duke regjistruar një rritje ekonomike prej 7 % për tremujorin e dytë të vitit, pavarësisht se është ende në nivele të ulta krahasuar me mundësitë e saj.
Ekonomia kineze, ose Produkti i Brendshëm Bruto në vend, kaloi kështu një provë të vështirë pasi rënia e tregut të pasurive të paluajtshme dhe prodhimeve industriale kishte penguar zhvillimin e vendit. Megjithatë, ky trend u përmirësua në muajt e fundit dhe invesimet në asetet e mëdha si dhe prodhimet industriale u ringritën.
Muajin e kaluar, Banka Qendrore e Kinës uli normën e interesit për të katërtën herë që nga muaji nëntor, për t’i dhënë kështu një shtysë aktivitetit ekonomik në vend që me sa duket e mori pozitivisht mesazhin. Megjithatë, ekonomistët vazhdojnë të kërkojnë më tepër masa lehtësuese, pasi paqëndrueshmëria në tregjet financiare ka ngjallur shqetësime për trazira financiare në vend.
Analistët, që shpesh e kanë projektuar Kinën për të siguruar dominimin global si ekonomia e parë në planet brenda një dekade, mendojnë se qeveria duhet të ndërmarrë më tepër lehtësira fiskale për të siguruar qëndrueshmëri më të lartë të ekonomisë edhe në muajt dhe vitet në vazhdim. Gjithashtu ka pretendime se rritja mund të jetë fryrë artificialisht nga qeveria.
Megjithatë, ndërsa tregu financiar në Shangai ka reaguar pozitivisht pas marrëveshjes greke, në Hong Kong, investitorët janë treguar më të kujdesshëm dhe kanë nguruar të përkushtohen pa parë me më tepër kujdes zhvillimet në Athinë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
