Një ndër kriminelët më të famshëm në botë, Joaquin Guzman Loera ose me emrin e drogës “el Chapo” ka mundur të arratiset nga një burg i sigurisë së lartë për të dyten herë gjatë 14 vjetëve.
Ishte arrestuar vitin e kaluar pas një arratisje në vitin 2001. Guzman është parë për herë të fundit të shtunën në darke afër sallës së dusheve në burgun e sigurisë së lartë para se të zhdukej pa lënë gjurmë. Kërkime kanë nisur në zonën ku mund të gjendet por edhe në rrugët e shteteve fqinje. Edhe linjat e fluturimit në avion në qytetin Toluca janë pezulluar.
Pas 13 vjetësh ndjekje ushtarakët munden ta kapnin në shkurt të vitit 2014 këtë lider të kartelit të drogës gjatë një aksioni natën në një lagje turistike të Mazaltan në shtetin e Sinaola.
“El Chapo” i gjatë vetem 1.64 metra kishte mundur të arratisej nga një burg i sigurisë superiore në 2001 i fshehur në një grumbull të rrobave të palara. Guzman është i konsideruar si baroni më madh i drogës dhe me i kërkuari në botë, ai drejton kartelin e fuqishëm të Sinaola.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
