Pamjet nga filmimi i kamerave të sigurisë në ambientet e bankës, tregojnë grabitjen e saj.
Ngjarja ndodhi dje në lagjen nr. 3 të qytetit bregdetar, pranë bashkisë.
Sipas pamjeve filmike, duken dy persona, të maskuar, të cilët nën kërcënimin e armëve kanë terrorizuar punonjësit e bankës dhe kanë arritur të marrin një shumë të konsiderueshme të hollash.
Mësohet se dy autorët e kësaj grabitje kanë qenë dy persona, të cilët udhëtonin me motoçikletë. Sapo u njoftua për ngjarjen, policia e Durrësit, mbërriti menjëherë në vendin ku ndodhi grabitja ndërsa arriti të arrestoi një prej autorëve.
Sakaq, është identifikuar edhe personi i dytë i dyshuar dhe po punohet për kapjen e tij. Ai është Alban Duka, 31 vjeç, banues në Tiranë.
Nga verifikimet e kryera nga policia dhe punonjësit e bankës mësohet se autorët kanë arritur të grabisin 8.765 dollarë, 7.015 euro dhe 17.741.320 lekë të vjetra.
Policia ka sekuestruar maskat dhe materiale të tjera të përdorura nga autorët.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “vjedhja e bankave dhe e arkave të kursimit”, “armëmbajtje pa leje” në bashkëpunim.
Sekuestruar nga policia
• një armë zjarri tip automatik kallashnikov,
• një armë zjarri tip pistoletë,
• 29 fishekë,
• 1 motoçikletë,
• 1 makinë tip Jaguar me 2 targa të vendosura, AA 931 IN dhe TR 4955 M
• 1 paruke,
• 2 T-shirt dhe
• 1 çantë që shërbente për vendosjen e parave së bashku me shumën e parave të grabitura brenda në çantë.
