Një avion luftarak F-16 është përplasur mbi Karolinën e Jugut me një avion të vogël privat të martën. Dy personat që gjendeshin në avionin privat kanë vdekur, ndërsa piloti i avionit luftarak arriti të hidhej me parashutë.
Aksidenti ajror ndodhi rreth 11 milje nga pista e Charleston, tha një zyrtar vendas. Avioni luftarak F-16 ishte ngritur nga baza Charleston dhe ishte me mision trajnimi.
Sipas fakteve të para, piloti i F-16-s ishte duke folur me pikën e kontrollit në momentin e përplasjes”, tha koloneli Stephen Jost.
Menjëherë janë nisur hetimet për zbardhjen e plotë të aksidentin ajror, duke përfshirë edhe gjendjen e arsyes se pse avionët po fluturonin aq pranë njëri tjetrit.
Piloti i F-16-s, majori Aaron Johnson arriti të hidhej me parashutë duke i shpëtuar vdekjes, ndërsa më pas u transportua për në spital për të kryer kontrollet e nevojshme edhe pse gjendja e tij ishte e mirë.
Fatmirësisht askush nuk u lëndua nga rënia e pjesëve të avionëve, ndërsa ende nuk janë gjetur trupat e dy viktimave.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
