Është konstatuar një numër i madh shqiptarët që nisen për në Gjermani të cilët kërkojnë azil, tha Kancelarja Merkel, gjatë fjalës së saj në Tirana Biznes Park, një investim 100 milionë eurosh i biznesit gjerman.
Është paradoks, tha ajo. Shqipëria ka marrë statusin e vendit kandidat dhe nuk mund të jetë një vend nha ku nisen azilkërkues në Gjermani.
Ky fenomen ka të bëjë me një interpretim të gabuar se Gjermania ka nevojë për fuqi punëtore. Kushtet për këtë fuqi punëtore duhen qartësuar.Egziston vetëm mundësia e fuqisë punëtore të kualifikuar. Është mirë që landet të punojnë me Shqipërinë për përformim profesional.
Edhe në Gjermani kemi një tendencë të akademizmit të shoqërisë, tha Merkel por kemi një shtysë të fuqishme atë të arsimit profesional, duke njohur edhe përpjekjet e qeverisë shqiptare në këtë drejtim.
Merkel tha se kishte folur me Kryeministrin shqiptar edhe për faktin se Gjermania mund të mbështesë formimin profesional të fuqisë punëtore si infermierë duke bërë ekuivalentimin e diplomave apo dhënien e punës në mënyrë ligjore.
Kemi folur për investime dhe ambientin juridik për sigurinë e tyre. Tirana Biznes park është sinjal i fuqishëm, tha Merkel.
Kredibiliteti sistemit juridik do të ketë vend qendror në marrëdhëniet tona, ligji i ri për investimet e huaja dhe zonat e lira ekonomike, reforma në drejtësi etj, janë nisma të mira. Por ka edhe vështirësi të tjera që duhet punuar si për administratën publike, lufta kundër korrupsionit dhe krimit të organizuar.
E konsiderojmë të rëndësishme infrastrukturën energjetike , po financojmë në këtë drejtim si linja mes Shqipërisë , Malit të Zi dhe Kosovës dhe në struktura të tjera të telekomunikacionit, tha Kancelarja Merkel sot në Tiranë.
