Cozman (Abdullah Ylberi), këngëtari i njohur edhe për shkak të lidhjes së tij me Tunën (Altuna Sejdiu), është lënë i lirë sot nga gjykata, kundrejt garancisë pasurore prej 5 mijë euro.
Cozman, u arrestua nga policia, pasi natën midis të premtes e ët shtunës, atij ju gjet në automjetin që udhëtonte së bashku me Tunën dhe dy miqtë e tyre, një sasi bimësh narkotike prej 20 gramësh.
“Më datë 04. 07. 2015, nga Drejtoria e Policisë Qarkut Tiranë, u arrestua shtetasi Ylber Abdullahu, 30 vjeç, sepse në rrugën ‘Asim Vokshi’ në mjetin tip ‘Range Rover’ me targa PE 10 SYF, ju gjet dhe sekuestrua në cilësinë e provës materiale sasia prej 20 grame lëndë narkotike e llojit ‘Cannabis Sattiva’ (Neni 283 i Kodit Penal)”, bëri ët ditur zyrtarisht në njoftimin e saj Policia e Tiranës.
Cozman është në pritje tani, të gjykimit në themel, për akuzën “Shitje, ofrim për shitje, dhënie ose marrje në çdo formë, shpërndarje, tregtim, transportim, dërgim, dorëzim, si dhe mbajtje, përveç rastit të përdorimit vetjak dhe në doza të vogla, të substancave narkotike dhe psikotrope, si edhe i farërave të bimëve narkotike”, sikurse parashikon Neni 283 i Kodit Penal.
Tiranë, Gjykata lë të lirë Cozman kundrejt garancisë prej 5 mijë euro
