Debatet, gjykimet, komentet dhe qëndrimet ndaj ngjarjes së fundmit më të rëndë, vrasjen e dy turistëve çekë, kanë përfshirë edhe Priftin Dom Gjergj Pashk Meta. Ai ka një këndvështrim dhe gjykim të ndryshëm, pse jo të kundërt nga të tjerët.
Ai shkruan se nuk mund të ketë njeri monstër, por ka krim monstruoz. Duke u shprehur kështu ai i drejtohet Mjacajt, duke i bërë apel se ka akoma kohë që brenda vetes të ribëjë gjurmët e mirësisë e njerëzisë që janë të heshtura e të përgjumura.
Reagimi i potë i Dom Gjergj Pashk Meta
“Ka krime monstruoze, por jo monstra!
Refuzoj çdokënd e çdo përkufizim që i thotë një njeriu te krijuar në shëmbëllimin e Zotit monstër! Zoti nuk krijon monstra!
Sokol ti ke bërë një krim monstruoz, sikurse kanë bërë shumë në këto vite nga ‘91 e mbrapa në Shqipëri, dhe për këtë do të dënohesh! Por ti Sokol nuk je monstër! Ti nuk më lexon sigurisht, por unë po të them sot me plot bindjen se nëse ti do, ke akoma shansin të rigjesh brenda vetes gjurmët e pashlyera të mirësisë e të njerëzisë që tani janë të heshtura e të përgjumura e ndoshta edhe të plagosura rëndë, por jo te vdekura!
Ti Sokol nuk je monstër!”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
