Strukturat e Sektorit për Krimet Kompjuterike në Drejtorinë e Policisë së Shtetit në bashkëpunim me ato të Drejtorisë së Policisë Qarkut Tiranë, realizuan sot operacionin policor “Pedofili” , si rezultat i të cilit u bë ndalimi i 31-vjeçarit Enkel Vela, nga Tirana, punonjës IT pranë një banke të nivelit të dytë.
Ndalimi i tij, skatësojnë burimet zyrtare të policë së Tiranës, u bë pas kryerjes së hetimeve proaktive në funksion të procedimit penal te vitit 2015, ndjekur nga Sektori për Krimin Kibernetik në Prokurorinë e Rrethit Gjyqësor Tiranë.
Nga hetimet ka rezultuar se i ndaluari prej një kohe të gjatë ka shkarkuar, ruajtur, poseduar dhe shpërndarë nëpërmjet përdorimit të aplikacionit dhe rrjetit kompjuterik “eMule” dhe “eDonkey”, materiale si regjistrime filmike video dhe fotografike me përmbajtje pornografike me fëmijë të mitur.
Hetimet për aktivitetin kriminal të kryer nga i ndaluari janë kryer në bashkëpunim me autoritetet policore gjermane nëpërmjet kanalit të bashkëpunimit Interpol.
Mësohet se hetimet do vazhdojnë për verifikimin e gjithë aktivitetit të paligjshëm të mundshëm.
Në ngarkim të të ndaluarit, u kryen veprimet proceduriale për veprën penale “Pornografia”, parashikuar nga nenet 117 paragrafi i dytë i Kodit Penale, të cilat ju dërguan për ndjekje të mëtejshme Prokurorisë së Rrethit Gjyqësor Tiranë.
Tiranë, pranga punonjësit të bankës, manjakut të filmave pornografikë me fëmijë
