Masat shtrënguese, nga sot testi i nivelit të gazrave përcaktues për kolaudimin e automjeteve

Qeveria ka shtrënguar masat për kolaudimin e automjeteve me qëllim uljen e ndotjes se ajrit ku një nga burimet kryesore të ndotjes është cilësuar transporti rrugor.
Automjetet që kalojnë nivelin e përcaktuar të gazrave që emetojnë në mjedis nuk do ta kalojnë kontrollin e detyrueshëm teknik ndryshe nga sa ka ndodhur më parë.
Që nga sot, 1 korrik, hynë në fuqi  udhëzimi i Ministrit te Transporteve i ndryshuar rreth tre muaj më parë.
Testi quhet kalues nëse plotësohen normat e vendosura në varësi të vitit te prodhimit të mjetit. Direktiva e Bashkimit Evropian do të aplikohen në tre faza.

Fazat
Faza e parë – 1 korrik – 31 dhjetor 2015. Gjatë kësaj faze do të fillojë zbatimi i normave të lejuara plus shtesat respektive, të përcaktuara në udhëzim, të nivelit të gazrave në testin e gazrave në kontrollin teknik të detyrueshëm. Automjetet që tejkalojnë këto nivele të elementëve ndotës nga gazrat, do të marrin rezultat negativ të kontrollit teknik të detyrueshëm.
Faza e dytë – 1 janar – 31 qershor 2016. Gjatë kësaj faze do të gjejë zbatim aplikimi i normave të lejuara plus gjysmën e shtesave respektive, të përcaktuara në udhëzim, të nivelit të gazrave në testin e gazrave në kontrollin teknik të detyrueshëm dhe automjetet, që nuk plotësojnë këto nivele të elementëve ndotës nga gazrat, do të marrin rezultat negativ të kontrollit teknik të detyrueshëm.
Faza e tretë – nga 1 korrik 2016 – në vazhdim. Gjatë kësaj faze do të aplikohet zbatimi rigoroz i normave të lejuara të elementeve ndotës nga gazrat e automjeteve në përputhje të plotë me direktivën evropiane 2009/40/BE.

/DRONI.al/