Drejtori i hetimit tatimor në drejtorinë e Përgjithshme të Tatimeve, Ahmet Prenci, ka kryer dorëheqjen e tretë në pesë vitet e fundit nga poste të larta publike.
Sipas burimeve nga drejtoria e tatimeve, Premci u largua nga detyra fill pasi nuk ka pasur reagim lidhur me masat që ai ka propozuar për problematikat që kanë cuar në mosrealizime. Ai e ka paraqitur dorëheqjen në drejtori ndërkohë që nuk ka pasur asnjë prononcim publik për arsyet megjithese teksti i doreheqjes u mesua.
“U bë më shumë se një vit që Ju, me apo pa dëshirë, nëpërmjet veprimeve dhe mosveprimeve Tuaja, e izoluat dhe denigruat institucionin e Hetimit Tatimor. Jo vetëm në përditshmërinë e praktivae administrative, por edhe në rastet ku u jam drejtuar me Memo apo kur kam paraqitur shqetësime konkrete, Ju nuk jeni përgjigjur”, thuhet ne dekleraten e doreheqjes.
Premci njihet si një ndër oficerët më të përgaditur në vend. Deri në vitin 2009 ai shërbeu si drejtor i përgjithshëm i Policisë së Shtetit ku dha dorëheqjen pak kohëpas varsjes së katër policëve speciale në ndeshjen për arrestimin Dritan Dajtit në Durrës.
Pas kësaj ai u emërua si Inspektor i lartë në ILDKP ku punoi deri në mes fund te vitit 2014. Edhe prej aty u largua me dorëheqje pas problematikave qe shoqeroi kete institucion vendimi i disa punonjesve per te cuar ne prokurori drejtuesen e ketij institucioni.
Zgjedhja e tij në krye të hetimit tatimor u konsiderua si një respektim i meritokracisë nga mediat.
