Dy vëllezërit, Arbion dhe Alban Aliko, nuk kanë pranuar asnjë prej akuzave që iu është komunikuar, megjithëse burime pranë grupit hetimor pretendojnë se për dy të rinjtë ka prova të forta që i lidhin me sulmin ndaj policisë dhe vrasjen e efektivit Ibrahim Basha.
Arbion dhe Alban Aliko, gjatë seancës së marrjes në pyetje nga prokurorët e çështjes dhe oficerët e policisë gjyqësore, kanë thënë se nuk kanë lidhje me sulmin ndaj policisë dhe se nuk kanë qëlluar ata ndaj efektivëve të forcave speciale. Të pyetur për arratisjen e tyre, dy djemtë kanë shtuar se janë arratisur për shkak të frikës që patën nga policia, në momentin që morën vesh se u kishin shpallur emrin në kërkim për sulmin ndaj uniformave blu.
Dy vëllezërit janë të izoluar ambientet e policisë së kryeqytetit, ndërsa pritet që sot të dalin para gjykatës për t’u njohur me masën e sigurisë. Dje gjykata la në burg tre të rinjtë e arrestuar ditë më parë në Lazarat, të dyshuar se kanë lidhje me grupin e zjarrit. Konkretisht, në masën e sigurisë “arrest me burg” do të hetohen Klodian Selimi, Dervish Gaba dhe Elvis Boci.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
