Gjykata e Shkallës së Parë e Tiranës dënoi sot me 5 vite burg shtetasen Uarda Çota, e cila aksidentoi për vdekje djalin 11-vjecar të Avenir Pekës, ish-zëvendës ministër i Brendshëm. Organi i akuzës kishte kërkuar dënimin e saj me 8 vjet heqje lirie.
Prokuroria akuzoi të pandehurën për shkelje të rregullave të qarkullimit, pasi ka qenë duke qarkulluar me shpejtësi 85 kilometra në orë në segmentin e rrugës te “Komuna e Parisit”, me makinën “Mercedes Benz” me targa EN 07 XNR. Makina e drejtuar nga Çota ka goditur nga pas automjetin “Bick” me targa AA 200 AR. Sipas akuzës, Uarda Çota është kontrolluar dhe në momentin e aksidentit ka pasur edhe 0.88 përqindje alkooli për litër në gjak.
Sipas akuzës, veç faktit se ka qenë me shpejtësi mbi normën e lejuar, shtetasja Uarda Çota ka shkaktuar aksidentin me anë të goditjes së makinës, që ndodhej para saj, duke sjellë pasojat e aksidentit të rëndë, për shkak të pamundësisë së makinës së goditur për të marrë kthesën.
Nga ky aksident humbi jetën i mituri R. Peka, ndërsa janë plagosur edhe disa persona të tjerë.
FOTO/ Gjykata, 5 vjet burg për aksidentuesen e fëmijës së ish-zëvendësministrit të Brendshëm
