Policia e Fierit ka arrestuar dy personat ë mbetën të plagosur një natë më parë në fshatin Ninësh të Mallakastrës, ndërsa u vra edhe një shoku i tyre.
Burime zyrtare të drejtorisë së Policisë së Qarkut të Fierit, bënë të ditur se janë arrestuar në flagrancë Riza Fejzo 22 vjeç dhe Mariglen Luari 24 vjeç. Mbi ata rëndon akuza “kultivim bimësh narkotike”.
Nga veprimet hetimore paraprake, ka rezultuar se në afërsi të vendit ku ndodhi vrasja ndodhej një parcelë rreth 170 m katrorë, ku ishin kultivuar rreth 900 rrënjë hashash.
Sipas policisë, ishte kultivuar nga viktima Dautaj, Luari dhe Fejzo. Po të njëjtat burime pohuan se tre të rinjtë ruanin parcelën me hashash dhe se dyshohet që konflikti që solli sulmin me armë zjarri ndaj tyre ka marrë shkas pikërisht nga droga. Në lidhje me këtë ngjarje, janë shoqëruar 20 persona dhe po punohet për identifikimin e vënien në pranga të autorëve të krimit.
Për më shumë mund të lexoni edhe …
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
