Klandestinët shqiptarë janë kthyer në një shqetësim të madh për autoritetet holandeze. Bëhet fjalë për ata që tentojnë të kalojnë kufirin për të shkuar ilegalisht në Angli. Ketë muaj 60 shtetas shqiptare janë kapur në tre raste të ndryshme nga Policia Ushtarake holandeze, duke e shndërruar muajin qershor, në një muaj rekord për klandestinet e arrestuar në Holandë.
“Zbulimi i klandestineve shqiptarë nuk është një incident i izoluar”.
Kështu shkruan e përditshmja holandeze ‘De Telegraaf’, sipas të cilës, Dy javë më parë u arrestuan tetë fëmijë shqiptar nga Policia holandeze, mbasi tentuan të ikin ilegalisht në Angli. Të tetë shtetasit shqiptar u arrestuan në portin e Hoek van Holand, mbasi u zbuluan të fshehur në një kamion.
Gazeta “Brabants Dagblad” ka siguruar të dhënat të plota mbi numrin total të klandestinët të kapur në portin Hoek van Holand, që ndodhet në afërsi të qytetit i Rotterdamit. Sipas shifrave të paraqitura, rezulton që gjatë vitit 2015, 220 persona janë kapur në flagrancë nga policia holandeze. Në Holandë janë publikuar deri tani katër raste të ndryshme ku janë zbuluar klandestin shqiptar. Numri total të shqiptarët të arrestuar rezulton të jetë 69 persona dhe përbën 31 për qind të klandestinëve të zbuluar në vitin 2015.
Fakti që numri i klandestinet shqiptar është në rritje është pohuar dhe nga Policia Holandeze. Maarten Knol, drejtor në Policinë Ushtarake, ka deklaruar për ‘Brabants Dagblad’ që njerëzit të cilët janë zbuluar në Hoek van Holland, vijnë kryesisht nga Siria, Afganistani apo Shqipëria.
Nuk ka ende një shpjegim perse numri i klandestineve shqiptar është gjithmonë në rritje, por nuk mungojnë rastet kur shqiptarët janë të gatshme të rrezikojnë gjithçka për të ikur në Angli. Një vit më parë në një aksident tragjik dy shtetas shqiptarë humbën jetën në tentativë për të arritur brigjet britanike, pasi u hodhën nga një anije në afërsi të Anglisë.
Holandë, rritet 31 për qind numri i klandestinëve shqiptarë
