Nga do ta marrë Kryeministri Rama një ministër për partinë e Idrizit? I vetmi vend ku ka ende rezerva për të plotësuar kërkesat e aleatëve të rinj është pjesa e madhe e Metës në qeveri. PDIU është rritur si parti thotë Idrizi prandaj dje në një konferencë shtypi ka kërkuar rritjen e përfaqësimit.
“Ne do të kërkojmë që të jemi në të gjitha nivelet e qeverisjes dhe kur them në të gjitha nivelet, përfshihet edhe ai ministror. Këto janë zgjedhjet vendore, por sigurisht që tregojnë qartësisht forcën e PDIU, forcën e saj elektorale të qëndrueshme. Besoj që ky rezultat dhe grupi jonë parlamentar do të ndikojnë në cilësinë dhe sasinë e marrëveshjes që ne do të bëjmë me maxhorancën për pushtetin qendror”, u shpreh Idrizi.
Por në fakt edhe LSI ka rritje të madhe në këto zgjedhje, bile më të shpejtë se sa PDIU. Nëse edhe Meta kërkon rishikim të kontributit të LSI në qeverisje, duhet ndonjë ministër shtesë edhe për Metën.
Rama ka pak hapësirë për të korrigjuar ministrat e PS-së, prandaj nëse kërkesa e Idrizit nuk do të refuzohet do të duhet të rishikojë raportet e ndarjes së pushtetit me Metën
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
