Dy vëllezërit Arbion dhe Alban Aliko kanë folur për herë të parë pas enigmave dy ditore që lidhen me emrat e tyre dhe ngjarjen e rëndë në Lazarat. Avokati Neshat Fana, i zgjedhur nga familja për akuzën e ngritur, tha në emër të tyre se vëllezërit Aliko nuk janë autorë të vrasjes. “Më kanë pohuar se nuk kanë qëlluar ndaj policisë”, tha avokati Fana, për news24. Ndërkohë ai shtoi se ata nuk janë të armatosur dhe se policia nuk ka asnjë provë ndaj tyre që të vertetojë akuzën.
Familja e dy djemve u ka bërë thirrje që ata të përballen me policinë. Sipas avokatit ata nuk pranojnë të dorëzohen pasi nuk kanë besim tek policia.
