Një nga të arrestuarit dy ditë më parë në Vlorë, për trafikimin e 25.5 kilogramë drogë tip “çokollatë”, mësohet se është një nga anëtarët kryesorë të stafit të kandidates së LSI-së në Gjirokastër, Zamira Ramit.
Denoncimi vjen nga ish-kryeministri Sali Berisha, i cili nëpërmjet “Facebook”-ut, publikon këtë fakt, i denoncuar nga një person, bashkë edhe me postimin e një foto.
Mesazhi i plotë i Sali Berishës në “Facebook”
“Stafi kryesor i zonjës Zamira Rami, kandidates se ‘aleancës së krimit, person në kërkim, arrestohet sepse kapet sot me 25.5 kg droge!
‘Përshëndetje Doktor. Po të shkruaj nga një profil i veçantë, sepse informacioni që kam nuk duhet të kaloje nga facebooku im. Sot policia e Vlorës ka arrestuar për trafik droge shtetasin Alsid Cani, banues në Gjirokastër. Ky person është në stafin e Zamira Ramit në Gjirokastër. Bëhet fjalë për personin me bluze blu’”.
Ndërkohë, në vijim të operacionit të koduar “Qeparoi”, ku u sekuestruan rreth 25.5 kg lëndë narkotike “Çokollatë”, Policia e Vlorës ka prangosur një tjetër prej autorëve të shpallur në kërkim. Sipas burimeve zyrtare është arrestuar 34-vjeçari Florenc Proko, banues në Gjirokastër.
Arrestimi i tij u krye në Gjirokastër në bashkëpunim me blutë e këtij qarku. 34-vjeçari arriti t’i shpëtonte shërbimeve të Policisë më datë 17. 06. 2015, në momentin kur Policia e Vlorës bëri ndërhyrjen operacionale anti-drogë, ku përfunduan të arrestuar: Alsid Cani dhe Fatjon Rexho.
Policia ka bërë të mundur gjetjen dhe sekuestrimin e automjetit “BMW X5″ me të cilin autori i’u largua shërbimeve të Policisë dhe që ishte lënë i braktisur ne Borsh të Himarës.
Për më shumë mund të lexoni edhe …
/web/Vlore_policia_sekuestron_25_5_lende_narkotike_cokollate_2_ne_pranga_2_ne_kerkim_3682_1.php
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
