Agjencia e Administrimit të Aseteve të Sekuestruara ka caktuar tre administratorë shtetërorë, të cilët do të përgjigjen për 60 përqindëshin që është në pronësi të Becchettit. Ata janë Skender Met’Hasani, Eglantina Osmanlli dhe Bedri Buzi.
Administrimi nga shteti i kësaj pjese të “Agon Channel” do të vazhdojë deri në kohën kur do të ketë një vendim të formës së prerë nga Gjykata e Apelit.
Ministria e Financave sqaroi zyrtarisht se e njëjta procedurë është ndjekur dhe për katër kompanitë e tjera të Becchett-it dhe bashkëpunëtorëve të tij. Inventari është kryer edhe për firmat “Energji”, “Cable System”, “400KV” dhe “Fuqi”.
