Deri në këtë fazë të hetimit, në bazë të dy kërkesave dërguar gjykatës, e para në fund të muajit prill 2015 dhe e dyta sot, në datë 17. 06. 2015, Prokuroria për Krime të Rënda, në cilësinë e strukturës kompetente për kryerjen e hetimeve në kuadër të ligjit “Antimafia”, kërkon në total konfiskimin e rreth 4.3 milionë dollarëve, 450 mijë eurove dhe dy automjeteve
Prokuroria për Krime të Rënda ka kërkuar sërish sot, konfiskimin edhe të rreth 18.5 milionë lekë (të reja) dhe 940 mijë dollarë amerikanë, të tjerë, të gjendura në llogari bankare dhe bono thesari, të Kastriot Ismailajt. Prokuroria ka kërkuar gjithashtu edhe konfiskimin e dy automjetet “Daimler Chrysler” dhe “Vokswagen”, të regjistruara në emër të këtij personi, administrator i shoqërisë “Adriatic Development Corporation LTD”, si edhe familjarëve të tij. Konfiskimi është kërkuar pasi Ismailaj është duke u hetuar në kuadër të ligjit nr. 10192 datë 03. 12. 2009 “Për parandalimin dhe Goditjen e Krimit të Organizuar dhe Trafikimit Nëpërmjet Masave Parandaluese kundër Pasurisë”.
Prokuroria për Krime të Rënda rreth një muaj më parë ka kërkuar konfiskimin edhe të rreth 3.4 milionë dollarëve të Kastriot Ismailaj, i cili aktualisht është në masën e sigurisë “arrest në burg” në vijim të një hetimi që po zhvillohet nga Prokuroria e Tiranës për veprat penale të “Mashtrimit me pasoja tё rёnda, tё kryer nё bashkëpunim” dhe “pastrimit tё produkteve tё veprёs penale”.
Për pasojë, deri në këtë fazë të hetimit, në bazë të dy kërkesave dërguar gjykatës, e para në fund të muajit prill 2015 dhe e dyta sot, në datë 17. 06. 2015, Prokuroria për Krime të Rënda, në cilësinë e strukturës kompetente për kryerjen e hetimeve në kuadër të ligjit “Antimafia”, kërkon në total konfiskimin e rreth 4.3 milionë dollarëve, 450 mijë eurove dhe dy automjeteve.
Shtetasi Kastriot Ismailaj ka qenë administrator i disa kompanive, një prej të cilave ka pasur si aktivitet kryesor mbledhjen e borxheve të kompanisë së shpërndarjes së energjisë elektrike, CEZ. Nga një hetim që po zhvillohet nga Prokuroria e Tiranës, ai dyshohet se ka konsumuar elementët e veprave penale të “Mashtrimit me pasoja tё rёnda, tё kryer nё bashkёpunim” dhe “pastrimit tё produkteve tё veprёs penale” në vlerë mbi 5 milion euro.
Nga hetimet e zhvilluara në kuadër të hetimit të këtij proçedimi penal ka rezultuar se shtetasi Kastriot Ismailaj ёshtё ortak apo administrator i disa shoqёrive tregtare tё regjistruara nё Shqipёri, tё cilat pёrgjithёsisht nuk kanё aktivitet tregtar por nё llogaritё e kёtyre shoqёrive janё kryer transaksione finaciare tё cilat shkojnё nё disa milionë Euro.
