Atentat me armë kundër Xhelal Mziut, ndërhynë mbështetësit, ndryshon drejtim plumbi

Ne foto Liman Lita, i akuzuar nga Mziu, me Kryeministrin Rama, para pak ditesh ne Paskuqan, gjate ceremonise se marrjes se lejes se legalizimit

Qëllohet me armë në takimin elektoral të kandidatit të PD-së për Bashkinë Kamëz. Ngjarja ka ndodhur mesditën e sotme në Paskuqan në rrugën “Havzi Nela” gjatë një takimi elektoral të kandidatit të PD-së për Kamzën, Xhelal Mziu. Kandidati i opozitës ka qenë i shoqëruar nga kreu i PD-së Paskuqan Anton Pjetërnikaj si dhe anëtarë dhe mbështetës. Liman Lita mbështetës dhe pjesë e shtabit elektoral të Safet Gjicit, sipas PD Kamez, fillimisht ka tentuar të pengojë aktivitetin elektoral të kandidatit Mziu dhe më pas ka nxjerrë armën duke qëlluar, por ka qenë ndërhyrja e stafit të z. Mziu që kanë mundur të neutralizojnë ndonjë ngjarje të rëndë të mundshme, duke i marrë dhe armën dhe në këtë ndërhyrje ka pasur edhe shkrehje të armës, e cila ka lënë gjurmë në rrugë.

Kjo ngjarje vjen e frymëzuar edhe nga deklaratat e Kryeministrit Rama, i cili bën gjykatësin duke atakuar kandidatin Mziu në takimet elektorale të PS-së. I kujtojmë Gjicit dhe Ramës se pavarësisht këtyre tentativave dëshpëruese i pret një humbje spektakolare si gjithnjë në Kamëz dhe Paskuqan.

Vetë kandidati Xhelal Mziu në deklarimin e tij ka zbardhur rrethanat ngjarjes. Në po ecnim në rrugën “Havzi Nela”, kur del një person me emrin Liman Lita, dhe më thotë: “Ti nuk duhet të kalosh në këtë zonë, sepse është pjesë e një tjetër subjekti politik dhe nuk duhet të përziheni me këta njerëz, sepse këta duhet të votojnë Partinë Socialiste!, shpjegoi Mziu. “Në bisedë e sipër, duke kërkuar me ngulm largimin tonë nga kjo lagje, Liman Lita nxori pistoletën dhe jam i sigurt që falë shkathtësisë së dy personave që ishin pranë meje bënë të mundur çaktivizimin e armës dhe uljen e grykës së saj dhe ju e shihni vetë se si ka gjuajtur në asfalt” thotë kandidati i opozitës.
Sipas Mziut, policia e Kamzës është kthyer në një zyrë elektorale të Partisë Socialiste dhe uron që uniformat blu, që autorin e kanë brenda “selisë” së tyre, ta çojnë atë para drejtësisë.

/DRONI.al/