Në qendër të Pukës ka ndodhur një përleshje mes simpatizantëve të PD-së dhe atyre të PS-së. Sherri ka nisur përgjatë një demonstrimi të vogël nëpër qytet me makina që mbanin flamuj të partive të ndryshme. Por më pas situata është tensionuar dhe militantët kane filluar të qëllojnë njëri tjetrin.
Policia ka ndërhyrë duke ndaluar një prej militantëve ndërkohë të paktën dy prej tyre janë konstatuar të lënduar nga spitali i qytetit.
Në Pukë për Partinë Demokratike kandidon Rrok Doda ndërsa për PS kandidon Eduard Ndreca. Të dy partitë i kanë mbajtur mitingjet e mëdha me pjesëmarrje të kryetarëve respektivë të partive, Basha dhe Rama.
