Ish-guvernatori i Floridas, Jeb Bush, i treti nga familja e famshme politike e Amerikës do të futet në garën presidenciale. Ai zyrtarizoi kandidaturën e tij republikane për President të SHBA-së duke folur në n jë video
para zyrës së tij në Miami. 62-vjeçari, vëllai i ish-presidentit George W. Bush, deklaroi: “Unë jam i gatshëm të udhëheq”.
Ai premtoi se do të mbrojë pjesën më të ndjeshme të shoqërisë dhe do të heqë barrierat sociale. Pjesa konservative e partisë së tij është ende skeptike. Sondazhet e fundit tregojnë se ai ka ende terren për të fituar mes kandidatëve republikanë.
Në videon e tij të fundit të titulluar “The Greatest Century”, ai flet me nota optimizmi duke thënë: “Unë shoh një vend të madh në prag të shekullit të saj më të madh, dhe unë jam gati ta udhëheq”.
Gjatë një turi në Europë javën e kaluar, z. Bush paralajmëroi se ai nuk do të heqë dorë nga bindjet e tij kryesore, dhe pse disa nuk mbështeten nga partia e tij.
“Nuk do të ndryshoj veten. I respektoj njerëzit që nuk janë dakord me mua, por nuk do të ndryshoj këndvështrimet e mia”, tha Bush.
