BIG BROTHER 8/ Pas 100 ditë “ngujim” fiton VESELI

Në ditën e 100 të tij, spektakli Big Brother 8, përfundoi sot, duke pasur si fitues Veselin.
Veseli, 23-vjeçari nga Prizreni. Ai u përshtat mirë me banorët edhe pse hyri më vonë në lojë. Pasi i kishte parë nga jashtë ata, vëmendja e tij kishte rënë te Tea, me të cilën u krijuan situata romantike, por dhe me humor, në atë që u quajt si telenovela e tyre. I dashur, i qeshur dhe tolerant, ai u ka rezistuar me edukatë sulmeve të forta.
Mes emocionesh banorët kanë jetuar orët e fundit në shtëpinë më të madhe në vend, me padurimin e çastit të fundit që do të shpallte dhe fituesin e këtij edicioni.
Garës së gjatë i rezistuan deri në ditën e fundit gjashtë konkurrentë,Veseli, Alba, Fatjoni, Eleonora, Xhensila dhe Fabiani
I pari që ka lënë shtëpinë ka qenë Fabiani. Ai ka qenë një ndër më pak të votuarit nga publiku. Përpara se të dilte nga shtëpia Fabiani ka ndjekur disa nga momentet e tij më të bukura brenda. Por surpriza për të nuk mbaroi aty. Duke u nisur drejt daljes Fabiani u gjend në një ambient ku u luajt muzikë posaçërisht për të.
Xhensila ka qenë e dyta që ka lënë shtëpinë e Big Brother. Vëllai i madh kishte zgjedhur një dalje të veçantë për Xhensilën nga shtëpia, përmes muzikës. Brenda shtëpisë së Big Brother vajza nga Pogradeci nuk e ka fshehur pasionin e saj për muzikën. E shoqëruar nga disa balerinët ajo solli një performancë të veçantë.
I treti që ka lënë shtëpinë e Big Brother, duke hequr dorë nga ëndrra për çmimin e madh ishte Eleonora. Para se të dilte nga shtëpia Eleonora është përballur me surprizën e përgatitur me të. Mësuesja e gjeografisë ka gjetur një klasë të mbushur me nxënës që kanë kënduar për të duke e përqafuar.
Fatjoni ka qenë konkurrenti i katërt në radhë që la shtëpinë e Big Brother. Surpriza nuk mungoi as për konkurrentin nga Skrapari. Organizatorët i kishin sjellë një grup këngëtarësh nga Skrapari, me në krye të njohurin Dule Malindi, me të cilët Fatjoni këndoi e kërceu rreth një sofre të ngrohtë nga Skrapari, para se të dilet nga shtëpia, duke kthyer edhe nga një gotë raki me grupin e këngëtarëve.
Surpriza organizatorët kishin rezervuar edhe për dy konkurrentët e fundit finalistë, Albën dhe Veselin.
Alba, para përfundimit të garës, kishte mundësi të takonte personazhet që kishte krijuar vetë gjatë ditëve të qëndrimit në Big Brother, ndërsa takoi edhe gjithë miqtë e shokët e saj.
Surpriza për Veselin ishte një grup muzikor, miq e shokë të tij, me të cilët ai këndoi e kërceu. Veseli takoi edhe Tean, njërën prej konkurrenteve, me të cilën pati një lidhje midis shoqërisë dhe dashurisë.