Tre ngjarje dhune në familje kanë ndodhur 24 orët e fundit në Tiranë. Ndërsa në dy raste, kanë qenë reciprokisht bashkëshortët që kanë ushtruar dhunë dhe “përfituar” urdhër mbrojtje, në një rast tjetër, djali që dhunonte nënën ka përfunduar në pranga.
Burime të drejtorisë së Policisë së Qarkut ët Tiranës, bëjnë të ditur se dje u plotësua kërkesë padia për lëshimin e urdhrit të mbrojtjes së menjëhershme për shtetasen E. H., 44 vjeç, banuese në Tiranë, sepse bashkëshorti B. H., 47 vjeç, banues në Tiranë, ka ushtruar dhunë psikologjike ndaj saj. Materialet ju kaluan Gjykatës së Rrethit Gjyqësor Tiranë.
Ndërkohë një tjetër rast dhune bashkëshortësh, por këtë herë gruaja dhunonte burrin, është regjistruar në Tiranë dje.
Sipas policisë lokale, mësohet se po dje u plotësua kërkesë padia për lëshimin e urdhrit të mbrojtjes së menjëhershme për shtetasin E. K., 30 vjeç, banues në Tiranë, sepse bashkëshortja E. K., 29 vjeç, banues në Tiranë, ka ushtruar dhunë psikologjike ndaj tij. Materialet ju kaluan Gjykatës së Rrethit Gjyqësorë Tiranë.
Rasti i tretë është i një djali që ka përfunduar në pranga sepse dhunonte nënën e tij.
Të njëjta burime të policisë lokale, bëjnë të ditur se, dje u arrestua në flagrancë shtetasi Skënder Vathi, 57 vjeç, banues në Tiranë, sepse në mënyrë sistematike ka ushtruar dhunë fizike dhe psikologjike ndaj nënës së tij shtetases V. V., 77 vjeç, banuese në adresën e mësipërme (Neni 130/a Kodi Penal).
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
