Misteret e urdhrit të Beqaj dhe Beci: Farmacitë me shumë lekë kontrollohen vetëm nga qendra

Ministri Ilir Beqaj dhe Drejtori i Fondit te Sigurimeve Shendetesore, Beci kane miratuar një rregullore që parashikonte kontroll të kanalizuar për një kategori farmacish. Këshilli Administrativ i Fondit i kryesuar nga Ministri Beqaj, më datën 24.10.2014 ka miratuar ne kundershtim me ligjin, rregulloren nr. 3 “ Për procedurën dhe mënyrën e kontrollit të dhenesve të shërbimit të kontraktuar me Fondin”. Në kapitullin 1, “ Kontrolli në Farmaci dhe Agjenci të kontraktuara me Fondin ”, përcaktohet se “ Kontrolli i subjekteve farmaceutike me vlerë mesatare rimbursimi në muaj të barabartë ose më të lartë se 2 000 000 lekë do të bëhet vetëm nga Drejtoria e Përgjithshme e Fondit” dhe jo nga drejtorite rajonale, bën të ditur, ish Kryeministri Berisha, i cili ka qënë edhe i pari që ka zbërthyer skemën manipulimit me paratë e rimbursimit.

Ky vendim vazhdon të jetë akoma në fuqi duke ruajtur kështu të paprekshme jashte kontrollit 17 farmaci nga Drejtoria Rajonale e Fondit për Tiranën por ne fakt edhe nga Drejtoria e Pergjithshme e Fondit.

Drejtori Beci, me nje shkrese te dt 11/2/2015 i ben te qarte drejtorit rajonal se drejtoria e tyre nuk mund te kontrolloje 17 farmacite e ndara per tu kontrolluar vetem nga qendra. Sipas burimeve zyrtare, direkt nga Fondi, tremujorin e pare Janar-Mars, keto farmaci kane rimbursuar me receta fallco rreth 180 milione leke. Kurse gjate vitit 2014, vetem 6 nga farmacite e këtij grupi kane rimbursuar me receta fallco 288,417,087 leke.

“Prokuroria deri tani ka vendosur para ligjit vetem njerin nga peshqit e mesem te aferes miliardeshe te vjedhjes se fondit publik te ilaçeve, kurse te medhenjte pertypin te qete nen mbrojtjen e qeverise miliardat qe kane vjedhur. Thuhet se nje nga peshqit e medhenj, Sokol Skuraj ka kercenuar haptas ne Prokurori se po e leshuan do te marri me vete qeverine”, thotë Berisha.

/DRONI.al/