Një universitet gjerman i dha sot doktoraturën një pediatreje hebreje 102-vjeçare, 77 vjet pasi asaj i ishte mohuar kjo gjë nga nazistët për shkak të ligjeve raciste të kohës.
Ingeborg Syllm-Rapoport shkruajti tezën e doktoraturës në Universitetin e Hamburgut, por në vitin 1938 iu refuzua dalja përballë doktoratit për mbrojtjen e temës.
Syllm-Rapoport deklaroi se e kishte pranuar dhënien e titullit në emër të të gjithë atyre, fati i të cilëve kishte qenë më i keq se i saji.
Universiteti i Hamburgut vetëm pak kohë me parë ishte njohur me historinë sesi Syllm-Rapoport kishte bërë kërkime dhe kishte shkruar një teme për difteritin kur ishte vetëm 25 vjeçe, por që ligjet antisemite të miratuara nga nazistët ia kishin ndaluar asaj mbrojtjen e kësaj teme.
Më vonë, ajo emigroi në SHBA, përpara se të bëhej një profesoreshë e njohur për kujdesin neonatal në Berlinin Lindor.
Dekani i Universitetit të Hamburgut, Uwe Koch-Gromus tha se tema e Syllm-Rapoportit ishte e një niveli të shkëlqyer.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
