Gjykata e Lartë ka pushuar çështjen në ngarkim të dy deputetëve socialistë Pjerin Ndreu dhe Arben Ndoka, të akuzuar për dhunë ndaj deputetit demokrat Gent Strazimiri. Sipas gjykatës, nuk ka vepër penale, ndaj edhe vendosi pushimin e çështjes.
Dy deputetët akuzoheshin për dhunë ndaj kolegut të tyre në ambientet e Kuvendit.
Prokurorët kishin kërkuar dënim me 1 vit heqje lirie për të pandehurin Ndoka dhe 8 muaj heqje lirie për të pandehurin Ndreu, ose i konvertuar, përkatësisht 150 orë pune i pandehuri Ndoka dhe 100 orë pune i pandehuri Ndreu.
Një seancë më parë, Pjerin Ndreu përmes avokatit të tij ka kërkuar pafajësi, duke pretenduar se nuk është i përfshirë në dhunë. Ndërsa mbrojtja e deputetit Ndoka ka kërkuar pushim të procedimit penal, me arsyetimin se nuk ka pasur rrahje për shkak të detyrës, por pas një sherri, shumë kohë pas seancës dhe jo në foltoren e Kuvendit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
