Kandidatja për bashkinë e Durrësit, Grida Duma bashkëbisedoi me shoqatat e të verbërve dhe invalidëve në qytet. Duma tha se do të ketë një qendër multifuknsionale për ta ku do të ofrohen shërbime falas por edhe mundësi për të marrë shërbime shtesë. Kandidatja e djathtë tha se bashkia do të subvencionojë komisionin bankar që u mbahet qytetarëve në nevojë.
“Do të kemi një qendër për moshën e tretë ku do të ofrojmë disa shërbime bazike falas. Ka plot shoqata si ajo e autizimit, sëmundjeve të rënda etj që sjellin mjekë nga bota që duan që në qytet të ketë vetëm një qendër të që ofrojë disa shërbime. Kjo qendër për moshën e tretë do të jetë për diagnostifikim, për ata që dua një palë syze dhe nuk i blejnë dot, për ata që duan një vizitë special që nuk e bëjnë dot. do të ketë orë dhe ditë të caktuara që shoqata të shumta që kanë punuar me mua kur kam bënë zëvendësministre e Integrimit thoshin se ne e bëjmë këtë por nuk kemi ku shkojmë. Edhe ambienti i shkollës tjetër që do akomodohet në një ndërtesë të madhe në atë zonë do të funksionojë për ju dhe disa shoqata të tjera”, tha Duma.
Kandidatja e djathtë u shpreh se shërbimi i transportit do të jetë falas për këtë shtresë të shoqërisë dhe i përshtatshëm me pedanë në autobusë për ta. Po ashtu ajo tha se një prej djemve të shoqatës do të përshihet në projektet sociale të bashkisë.
“Zgjidhja është në qendër të Durrësit afër ish stacionit të vjetër të trenit, një godinë multifunksionale për ju, për të verbrit dhe për të tjerë persona me aftësi të kufizuara. Duhet të keni shërbime të transportit publik falas me një pedanë që linja e autobusit duhet ta hapin nëse nuk e kanë të instaluar tani. Nuk mund tu merret ju komision dhe pagesa tu vijë vonë. Do ta paguajmë ne komisioni përderisa e keni të detyruar në bankë dhe bashkia nuk ua paguan, komisioni jemi të detyruar ta paguajmë. Djali do jetë pjesë e stafit për të gjitha projektet që do të kenë natyre socialë ”, u shpreh Duma.
FOTO/ Duma: Për invalidët, qendër, transport falas, subvencion komisionit bankar dhe shërbime
