Vrasja me armë zjarri në një lokal te ish-Këneta në Durrës ka ndodhur pas një konflikti banal, ndërsa zbulohen emri i viktimës Robert Rama 31 vjeç, me origjinë nga Laçi por banor i Tiranës.
Mësohet se pas konfliktit verbal, dy persona kanë qëlluar me armë zjarri mbi vikitimën, pranë një lokali te ish-Këneta. Nga të shtënat kanë mbetur të plagosur edhe Arnold Velaj dhe Alfons Ismaili, të cilët janë dërguar në Spitalin Rajonal të Durrësit. Dy të plagosurit, besohet se kanë qenë nën shoqërinë e viktimës, në momentin e atentatit. Sipas burimeve të Spitalit të Durrësit, mësohet se gjendja shëndetësore e Velajt është ende kritike.
Ngjarja është regjistruar në orët e mbrëmjes së sotme, ndërkohë që forca të shumta policie kanë rrethuar zonën, por ende pa rënë në gjurmët e autorëve. Policia po kryen veprimet hetimore në vendin e ngjarjes, ndërsa në të gjithë qytetin janë ngritur postblloqe të shumta për kapjen e autorëve.
Durrës, vrasja e laçianit te ish-Këneta pas një sherri, njëri prej të plagosurve rëndë
