Biseda e përmenduar disa herë nga dëshmitarë të ndryshëm dhe oficerë shërbimesh të paidentifikuar ka dalë në dritë nga RTV Dukagjini. Dy drejtuesit e grupit të Kumanovës Beg Rizaj dhe Mirsad Ndrecaj kanë incizuar një bisedë me një agjent të DSK-së (shërbimi sekret i Maqedonisë), emri i të cilit është i njohur për redaksinë e TV Dukagjini.
Ky kanal radioteleviziv në Pejë ka siguruar një kopje të këtij incizimi që ka shërbyer si provë për strukturat vendëse e ndërkombëtare të sigurisë për të zbuluar prapaskenat e ngjarjes në Kumanovë.
Sipas regjistrimit, biseda është zhvilluar disa javë pasi që Rizaj dhe Ndrecaj kishin sulmuar një pikë kufitare në fshatin malor Gushicë të Likovës në kufirin Maqedoni-Kosovë.
RTV Dukagjini nuk ka qenë në gjendje që të vërtetojë në mënyrë të pavarur autenticitetin e bisedës.
Biseda 1
Mirsadi: Qysh jeni?
Agjenti: Mirë qysh jeni ju, qe tu këqyrë futboll. Familjen si e ke?
Mirsadi: Mirë krejt juve qysh jeni
Agjenti: Bereqet versen mirë
Mirsadi: A ju ka marrë malli?. E kam humb numrin se mu lëshuan UDB-ja.
Agjenti: Cila UDB?
Mirsadi: Të krejt dynjasë.
Agjenti: Q.. UDB-në e n..
Mirsadi: Po thotë Begu nuk ja kem q.. kurrë.
Agjenti: Ku jeni?
Mirsadi: Në mes të Likovës
Agjenti: Jo bre në Likovë
Mirsadi: Po po ne ua shk…. shërbimet juve.
Agjenti: E di unë, për atë u kam kërkuar
Mirsadi: Eh more dajë…
Mirsad Ndrecaj dhe personi që dyshohet të jetë agjent bisedojnë pastaj për një reagim që Mirsadi kishte bërë në Facebook pas incidentit në Likovë. Ish pjesëtari i UÇK-së kishte shkruar në rrjetin social se sulmin në pikën kufitare e kishin organizuar djemtë më të mirë të UÇK-së.
Biseda 2
Agjenti: Ta kam lëshuar një porosi por ai numër nuk po të bënë. E pashë mbrëmë reagimin
Mirsadi: Cilin?
Agjenti: Atë që e ke shkru në facebook. Që UÇK-ja e ka marrë bazën
Mirsadi: A të pëlqej?
Agjenti: Shumë mirë, shumë mirë
Mirsadi pastaj fillon të akuzoj ish udhëheqësin e Shërbimit Inteligjent të Maqedonisë Sasha Mihajllov për dekonspirim.
Biseda 3
Mirsadi: Sasha asht tu e bo ata. Sasha po e shtin Angellovin, Ai Angellovi gjithë ka gjujt shtremt. Nuk ka mund kurrë drejte.
Në fund të bisedës ata i kërkojnë agjentit që të vijë në Prishtinë, por pasi e mbyllin telefonin, flasin me kërcënim se nëse vjen do t`i qërojnë hesapet me te.
Biseda 4
Mediat kanë raportuar bazuar në raportet e Agjencisë Kosovare të Inteligjencës se grupi i Kumanovës po përgatiste disa sulme edhe në burgun e sigurisë së lartë në Kosovë, me qëllim që të lironin disa të burgosur.
Një raport i Ministrisë së Jashtme të Maqedonisë ka lënë për të dyshuar se dy komandantët e UÇK-së janë vrarë pasi që ishin arrestuar.
