Shumë shoqata biznesi, veçanërisht të huaja po kërkojnë së fundi ulje taksash
Pas përpjekjes së dështuar një vit më parë, për të mos paguar 15 për qind tatim fitimin, fabrikat e veshjeve dhe këpucëve kërkojnë sërish lehtësim të taksës. Dhoma kombëtare e prodhuesve të veshjeve, kërkon që tatim-fitimi të mos paguhet, kur sipërmarrësit investojnë në makineri e pajisje
Mes 6 kërkesave drejtuar ministrisë së Financave, dallon ajo për uljen e taksës së ndërtesës në nivelet e mëparshme.
Punëdhënësit më të mëdhenj në sektorin privat, kërkojnë njëkohësisht t’u rimbursohet në kohë tatimi mbi vlerën e shtuar, siç është premtuar, pa shprehur ankesë për ndonjë vonesë specifike.
Vitin e kaluar, qeveria prezantoi një paketë me masa mbështetëse për industrinë e veshjeve, por sipërmarrësit u ankuan në fund të vitit se nuk panë rezultate konkrete.
Shumë shoqata biznesi, veçanërisht të huaja po kërkojnë së fundi ulje taksash.
Dhoma Amerikane e Tregtisë i ka propozuar ministrisë së financave të ulet tatim fitimi e dividenti, në nivelet e mëparshme, duke argumentuar se taksat e rritura kanë rritur evazionin. Gjatë këtij viti pavarësisht rritjes së taksave, performaca e të ardhurave ka qenë e dobët.
