Flet biznesmeni Amiran Dzanashvili: Investova në Shqipëri, por ende nuk i kam marrë paratë mbrapsht

Biznesmeni izraelit, Amiran Dzanashvili ka reaguar për akuzat e bëra në mediat shqiptare.  Ai deklaron se nuk është person i arrestuar në Rumani dhe se emri i tij po përdoret politikisht në Shqipëri. Në një reagim për mediat ai thotë po negocion në Londër me një biznesmen për të hapur një universitet prestigjioz në Tiranë.
“Është e vërtetë që kam blerë 50 për qind të aksioneve ‘Xhoi Lloto’ nga Mark Frroku, i cili dukej për mua si një biznesmen normal, kur e kam takuar shumë vite më parë. Unë kurrë nuk e kishte takuar apo njohur Markun më parë, dhe unë nuk dija asgjë për jetën e tij ose të aktivitetit të kaluar kriminal jashtë vendit. Unë kurrë nuk kam bërë ndonjë biznes me të, përveç se kam blerë aksionet e tij në një kompani shqiptare, ku kam investuar. Mark nuk është miku im dhe as partneri im në ndonjë biznes”, deklaron Dzanashvili në një komunikatë të shpërndarë për mediat nga adresa Amiran.Dzanashvili@xhoilloto.al.
Ai flet gjithashtu edhe për takimet me Ramën, Berishën dhe Metën.
“Investitorët e huaj, jo vetëm që nuk janë duke bërë para në Shqipëri, por janë sulmuar në mënyrë të paligjshme dhe janë përzierë në lojëra politike për qëllime të liga. Unë kam takuar Sali Berishën në Shqipëri dhe Izrael. Unë kam takuar Edi Ramën në Shqipëri dhe Izrael. Unë kam takuar Ilir Metën në Shqipëri dhe Izrael. Unë i kam ndihmuar ata, dhe Shqipërinë, duke sjellë shumë investitorëve të huaj në këtë vend. Unë jam një mik i Shqipërisë dhe një investitor serioz i huaj”, thuhet në deklaratë.
Ai ka mohuar ato akuza, duke shprehur keqardhje për implikimin e emrit të tij. Ai prano se ka investuar në Shqipëri, por se ende nuk i kam marrë paratë mbrapsht.
“ U informova nga avokatët për shkrimet në media. Po akuzohem gabimisht dhe ilegalisht për krime
Edhe Berisha ka shkruar në mua. Pretendohet se financova fushatën e PS. Keqardhje që emri im po përdoret politikisht. Po hidhet baltë mbi bizneset  dhe pronat e mia. Biszneset e mia janë korrekte, të ligjshme dhe të pastra. Me një partner kam investuar në naftë. Kam paguar rregullisht taksat. Kam investuar, por ende nuk i kam marrë paratë mbrapsht”, u shpreh Amiran Dzanashvili.

/DRONI.al/