Prokuroria për Krime të Rënda kërkon dënimin me 20 vjet burg për shtetasin Xhevahir Osja, i akuzuar për shfrytëzimin për qëllime prostitucioni për tre vajza të mitura në qytetin e Shkodrës.
Nga hetimi i kryer prej Prokurorisë për Krime të Rënda, rezulton se i pandehuri ka kryer një sërë veprimesh aktive të cilat përbëjnë vepër penale dhe konkretisht: ka gjetur të dëmtuarat; ka studiuar të dhënat personale të tyre; ka joshur të dëmtuarat me pretekstin e gjetjes së klientelës; ka gjetur klientët; a marrë paratë e përftuara nga ushtrimi i prostitucionit.
Sipas prokurorisë, të dëmtuarat përfaqësojnë tre të mitura duke marrë parasysh të dhënat e gjendjes civile për moshën e tyre, ndaj i pandehuri ka konsumuar elementët e figurës së veprës penale të ‘Trafikimi i të miturve’ parashikuar nga neni 128/b/ të Kodit Penal.
Sipas prokurorisë, duke qenë se i pandehuri e ka kryer veprën për më shumë se një të dëmtuar, veprimet e kryera prej tij kualifikohen si trafikimi i të miturve, kryer më shumë se një herë, sipas nenit 128/b/3 të Kodit Penal, kërkoi nga gjykata deklarimin fajtor te të pandehurit Xhevahir Osja për kryerjen e veprës penale te “Trafikimi i të miturve”, parashikuar neni 128/b/3 i Kodit Penal. Caktimin si masë dënimi për këtë të pandehur, 20 (njëzet) vjet burgim.
